கண்ணில் ஒளி வீசுதடி

[Sorna Sandhanakumar]

நான் கண்ட அந்த நொடி
உனை என் கண்களுள்
பூட்டி வைக்கும் முன்னே,
உடைந்து சிதறி,
உருவம் கலைந்து போனது
நீ மட்டுமல்ல,
என் மனமும்தான்!
இமைக்க மறந்த
இமைகளையும்,
சுவாசிக்க மறந்த
மூச்சுக் காற்றையும்,
துடிக்க மறந்த
இதயத்தையும்,
உணர்ந்தேனடி நானும்!
உயிர் இருந்தும்
உயிர் பிரியும் வலியால்,
உனை மீட்க வழியறியாமல்
பித்தாய் அலைந்தேனடி!
உன் சுவாசம்
உணர்ந்த பொழுதுதான்
என் சுவாசம் எனக்கே
தெரிந்ததை அறிவாயா!